我不喜歡傾電話，拿起話筒便周身不自在，容易出現冷場。Whatsapp 便不同，喜歡就搭訕幾句，送出圖片更是無聲勝有聲，有事要通知大眾，又可利用群組，唯一令人困擾的，就是經常流傳要收費的消息。
一直以為買了手機，在 Playstore下載應用程式，便可在朋友及群組之間暢所欲言，遠至海外亦猶如毗鄰。但自從阿大在網誌中提到，他的大人千辛萬苦才下載到 Whatsapp 後歡喜若狂，如獲至寶，才知道幸福非必然。
最近突然收到加入群組的邀請，原來是一位退休同事成立了群組，輾轉取得我的電話而聯絡到。這些同事至少有十多二十年不見了，如今一下子可在手機相聚，Whatsapp 又記一功。
手機上的Whatsapp
第一次聚會，不過我身在廣州而缺席
今日報章一張有趣圖片，兩個途人被
的士撞到一仆一碌，仍不忘篤手機
大人的 "千辛萬苦", 只不過是因為佢揸住部機僅叻我少少, 好多嘢唔知頭唔知路耳。
回覆刪除只要夠主動(搵人幫手), "幸福" 仍然是一定可以擁有的。
拎住聽筒有障礙, 同人面對面謦欬有無問題? :-D
相中人...有幾位熟口熟面, 卻說不出名字。
H姐隔離的PL(?), 幾乎認唔出了。
阿蕭、老謝、陳太、陳國基、陳筠松、陸文財、張光榆這幾位應該都是你認識的。
回覆刪除如果你提供電話號碼，都可以把你加入群組。
陳國基諗到個名而不敢肯定; 陸文財名在口邊卻說不出來, 陳筠松就真係只覺得熟口熟面, 張光榆(坐在陳太和阿謝之間嗰位吖嘛), 之前可能僅有一兩面之緣。
刪除"把我加入群組" , 意思係我喺呢邊都可以收到 "群組" 的訊息, 想搭訕時都可以搭訕? 用大人個電話號碼得唔得? 我自己嗰個手機係比較新的古董嚟, 用唔到WHATSAPP的(還是自己唔識用)...:-D
你用大人個電話都得,如果唔方便在此寫出,可電郵給我
刪除不過現在大人個二手電話(連號碼)仍在試用期, 尚未與朋友正式落實雙方會否打算將電話過戶, 所以要待事情塵埃落定之後, 才畀個電話號碼你喇 ~ 若過戶一事搞不成, 大人可能自己買部, 到時又會是另外一個電話號碼了。THX...
刪除WhatsApp實在方便，只要有wifi／網絡就可以聯絡全世界，外遊唔使煩打電話。
回覆刪除一於買個新型電話啦，然後. . . . 發覺 . . . . . 天涯若比鄰呀 XDDD 無論人在何方，都可隨時搭訕﹗
若在香港相信已經落水好耐罅...
刪除喺呢邊就始終十五十六, 蓋未必用得著、用得多...
不過看大人躍躍欲試之情, 就算二手機過戶不成, 佢都多數自己會買部新機, 然後又慫恿我...到時...哈哈...
一旦試過,包你機不離手,勁過飲咳藥水
刪除都要視乎有冇人得閒睬你, 唔通雙英自己兩兜友傳來傳去咩?!
刪除